Dos “Street Level Individual (SLI)” suspechao na bendida de droga ya aresta mga autoridad na dos separao campaña contra droga ilegal aqui na ciudad, asegun con el policia local del Viernes.
Asegun con el policia con el dos arestao suspechao ya conose como canda Al-tazeer Yasin, 30 años de edad; y si Diven Arang, 46 años.
Asegun con el policia con Yasin, un chufer de tricycle, ya aresta na un “buy-bust operation” mga alas 4:55 del Jueves tarde na Elvira Drive, Barangay Calarian, en este ciudad.
Ya puede confisca na posesion de Yasin suspechao shabu con el valor de P5,038, portamoneda, licensia de chufer, y P200 markao sen, asegun con el policia.
Asegun con el policia con Arang, un entero, ya aresta na separao buy-bust operation mga alas 12:06 del Viernes aga na Purok 1, Barangay Sinubong, en este ciudad.
Mga pulis ya puede recubri na posesion de Arang suspechao shabu que tiene el valor de P5,440, un caja de cigarillo, y P200 markao sen.
Asegun con el policia, ya detene con el dos arestao suspechao en preparacion para el plantada del asunto por violacion del “Comprehensive Dangerous Drugs Act of 2002”. (B. Garcia, photo courtesy of Zamboanga City Police Office)