Dos personas el ya aresta y valor de P6.8 millones droga ilegal el ya confisca na un operacion contra droga na ciudad del Zamboanga, asegun con el Philippine Drug Enforcement Agency (PDEA) del Miercoles.
Asegun con Maharani Gadaoni-Tosoc, el director regional del PDEA, con el mga arestao suspechao ya conoce como canda Junny Duke Bariño, 26, años el edad y si Shadhi Abdua, 24, ambos mga residentes de Barangay Calarian, ciudad de Zamboanga.
Asegun con Gadaoni-Tosoc, con el dos suspechao ya aresta na un operacion de compra busto mga ala una del Martes tarde na Zone 5A, Barangay Divisoria, ciudad de Zamboanga.
Asegun con Gadaoni-Tosoc, ya confisca na posesion de canda Bariño y Abdua un kilo de suspechao shabu enpaquetao na 15 termosellada transparente sobrecitos plastico y sinco amarao transparente bolso plastico que tiene el valor de P6.8 millones, dos motorciclos, celpon, dinero de compra busto, y mga bolso plastico.
Si Gadaoni-Tosoc ya habla, con el mga arestao suspechao hay planta el caso por violacion del Seccion 5, Articulo 2, del Ley Integral de Drogas Peligrosas de 2002.
El operacion de compra busto ya conduci el PDEA con el suporta del policia. (B. Garcia)