El 1st Infantry Division (1ID) exitosamente ya organiza un evento de marcha conjunta y siembrada de pono’y palo con el objetivo promova preparacion fisica y sostenibilidad de medio ambiente na Zamboanga del Sur, asegun con el militar del Lunes.
Asegun con el 1ID, el evento ya conduci del Sabado na Campo Cesar Sang-an, Barangay Upper Pulacan, Labangan, Zamboanga del Sur.
Asegun con el 1ID, el evento ya comensa con un marcha envuelto mga personajes desde’l Division Tabak y unidades de inquilinos base na campo, incluido del Tactical Operations Group-9 del Philippine Air Force.
El marcha enfocado mejora el estado fisico, fomenta colaboracion, y fortalece camaraderia dentro del division.
Siguiendo el marcha, el mga participantes ya siembra 133 arboles frutales como parte del programa del mando para siembra un million pono’y palo.
Si Major General Gabriel Viray, III, el comandante del 1ID, ya expresa su todo suporta para del evento, enfatizando el importancia de cultivacion ambos del bienestar fisica y consciente ambiental. (B. Garcia)