El 1st Infantry Division (ID) ya activa con el “Election Monitoring Action Center (EMAC)” para el Barangay and Sangguniang Kabataan Elections (BSKE) 2023.
Con el EMAC ya active na “Division Tactical Operations Center” de 1ID para el segurao y credible BSKE.
Trabajando hunto con mga contrapartidas na Joint Security Control Center (JSCC), el 1ID ya designa mga personajes na mga lugar de votacion.
Asegun con el 1ID, el establisida del EMAC ay complementa con el designacion, empleando fuerzas de reaccion rapida na mga ciudad y municipio y designacion racionalizado base na mga identificao critical lugar para el conducta del eleccion.
Para proactivamente enfrenta con el potencial amenaso de seguridad, el 1ID ay conduci ambos modos de eleccion y de combate.
Ademas, un batallon provisional el ya activa ya y el “higher headquarters” ya designa omento tropa para omenta con el fuersa de seguridad na mga lugar bajo el jurisdiccion del 1ID.
Durante el activacion del EMAC, si Major General Gabriel Viray, III, el comandante del 1ID, formalmente ya recivi con el abogao Wilfred Jay Balisado, el director regional de comision de elecciones, quien ya visita y inspecciona con el EMAC. (B. Garcia, photo courtesy of 1ID)