Mas o menos 700 individuales el ya beneficia na dos dias programa de extension medica na provincia del Sulu, asegun con el militar del Domingo.
Asegun con el 4th Civil Relations Group (4CRG), el programa de extension medica ya conduci del Jueves na Barangay Lahing-Lahing, Omar, y del Viernes na Barangay Tubig Puti, Luuk.
Asegun con el 4CRG, el mision medical hinde lang ta mejora el salud pero ta apodera tamen con mga individuales y comunidades controla con el de ila salud, finalmente contibuyendo na un mundo donde todos tiene acceso na calidad cuidada de salud, a pesar el de ila circunstancia.
El 4CRG ya habla, el mision medical tiene el objetivo cerra el brechas de salud, entregando calidad servicios de salud con mga Tausug, contribui na desarollo de mafuerza infraestructura de cuidada de salud, mejora el acceso en el atencion, y mejora el bienestar del comunidad.
El programa de extension medica ya inicia el 2nd Civil-Military Operations (CMO) Company del 15th CMO battalion bajo el regimiento de CMO del Philippine Army.
El programa ya conduci con el suporta del diferente sector del fuerza militar, de salud, y gobierno del municipios de Omar y Luuk, Sulu. (B. Garcia)