Total de 120 individuales, incluido mga bata, personas mayores, y infantes el ya beneficia con el actividad de programa de extension medica y dental na Zamboanga Sibugay, asegun con el militar del Lunes.
Asegun con el 4th Civil Relations Group (4CRG), el programa ya conduci del otro semana na Barangay Lipacan, Malangas, Zamboanga Sibugay.
El 4CRG ya habla, el varios medical, dental y otro servicios el ya conduci, incluido cortada de pelo, perforacion de oido, circuncision, chekiada de dientes, arancada de dientes y consultacion medical con libre medicina.
“El mga servicios ya hace posible por medio del esfuerzos colaborativo y suporta de varios agencias de gobierno y gobierno local del municipio,” el 4CRG ya habla.
Asegun con el 4CRG, el actividad es parte del un mes celebracion del Dia Nacional de la Caridad na Octubre 30 del Philippine Charity Sweepstakes Office.
El actividad tiene el objetivo para enriquece con el comunidad y hace positivo impacto na vida del mga genets en maneras significativas.
El actividad es un esfuerzo colaborativo entre el 104th Infantry Battalion, 102nd Infantry Brigade, y del 1361st Dental Detachment del 1st Infantry Division. (B. Garcia)