El mga personajes del 101st Infantry Brigade (101Bde) ya asisti y suporta na restoracion de normalcia despues de destroso que ya causa el tipun “Bebinca” o conocido na nombre local como si Ferdie na provincial del Basilan, asegun con el militar del Lunes.
El esfuerzo ya hace en colaboracion con el Basilan Electric Cooperative, Disaster Risk Reduction Offices, y mga residentes de varias localidad na Basilan.
Asegun con el 101Bde, el de ila esfuerzos instrumental na quitada de mga tumbao pono na camino, asegurando el segurao pasada de esencial servicios y ayudando na comunidad recubri desde’l destroso de tipun.
Puera del mga tumbao pono’y palo, ya aregla tamen sila mga linia de coriente y otros pa.
“El coordinao esfuerzos ta demostra el sinergia entre el militar, autoridades local, organizaciones civico, y el mga Basileños, todos trabajando el unison para restora y reconstrui,” el 101Bde ya habla. (B. Garcia)