Cagayan de Oro – DUNGAN nga gisaulog sa lokal nga kagamhanan ning syudad ingun man Department of Health Region 10 ang World Patient Safety Day adlaw’ng Martes, Septiyembre 17, nga gipahigayon sa City Hall Executive Building.
Atol sa maong kasaulogan, gipadangat ni City Administrator Atty. Roy Hilario Raagas kinsa mirepresentar ni Mayor Rolando Klarex Uy, ang mga paningkamot sa dakbayan sa pagpalapad sa mga nagkadaiyang serbisyo ilabina sa medical nga mapahimuslan sa mga Kagay-anon sama sa pagpalambo sa mga medical facilities.
Sa mensahe usab ni DOH Assistant Regional Director Dr. Ellenieta HMV Gamolo iyang gipasabot nga ang maong kasaulogan usa usab ka panawagan sa pagtinabangay sa tanang mga ‘medical service providers’ sa pagsiguro sa pagpasayon ug pagsiguro sa kaluwasan sa mga pasyenti.
Lakip usab sa mga miduyog sa maong programa ang nagkadaiyang mga private medical institution dinhi sa dakbayan agi’g suporta sa laraw sa DOH ingon man sa World Health Organization.
News and photo by CIO CDO