Marso 20, 2019, mipahigayon ug “2 in 1” nga aktibidad ang Surigao Chamber of Commerce & Industry sa pag-panguna sa Regional Governor for Eastern Mindano PCCI, CODE-MSME Chairperson Mrs. Concepcion Cioney Paqueo uban sa presidente karon sa SCCI Mr. Willie Gan ug mga board of directors niini.
Unang natigayon ang Womens Entreprenuers Forum nga nag-dala sa international theme nga “We Make Change Work For Women” 1:30 kapin sa hapon ug misunod ang Awards Night sa Inspiring Surigueña Entrepreneur nga tanang gihapigayon sa Philippine Gateway Hotel. Kini inubanan sa pagtambayayon sa Department of Trade and Industry kun DTI sa pag-panguna ni Dr. Celestino Negpatan, Provincial Director sa DTI-Surigao Del Norte.
Ang maong forum gimugna aron sa pag-hatag ug inspirasyon sa mga kababayen-an ug mga pamaagi nga maka-angkon ug successful nga negosyo luyo sa mga issues ug challenges sa pag-pahigayon sa negosyo. Ang maong awarding usab sa ‘Inspiring Surigueña Entreprenuer’ alang na kini sa pag-pasidungog sa napiling negosyante nga naka-hatag usab ug inspirasyon ngadto sa ubang mga kababayen-ang negosyante.
Sa maong higayon miapaabot sa iyang mensahe ang Regional Governor for Eastern Mindanao Mrs. Concepcion Cioney Paqueo nga matud pa ang maong mga aktibidad nga gitambungan sa mga partisipanteng mga negosyanteng babaye nga maoy mag-hatag ug panahon nga maka-kolekta sa mga opinion ug ideya gikan sa isig ka-negosyante ilabi na usab gikan sa DTI.
Usab si Board Member Melva Garcia, ang Chairman sa Committee on Trade and Industry mipaabot sa iyang inspirational message nga matud pa niini dili ti-aw ang mag-negosyo, gisaysay usab niini ang ka-importante sa pinag-bayloay ug mga ideya gikan sa isig ka-negosyante. Dugang pa nga dili angay kahadlokan ang mga issues and challenges sa pagka-negosyante, kung adunay problema kinahanglan mag malig-on ug maningkamot nga ma-resolba hangtod kini mamahimong magmalampuson.