Cebu City – Mipirma og manifesto gahapon ang walo ka kongresista sa probinsya sa Sugbo nga nagsuporta sa baroganan sa Kapitolyo pagpa-swab dayon sa mangabot nga mga returning overseas Filipinos ug pagsuporta sa baroganan ni Governor Gwendolyn Garcia sa local autonomy.
Ang walo ka magbabalaod gikan sa pito ka distrito sa Sugbo naglakip sa usa ka Partylist representative, miawhag usab sa Inter-Agency Task Force on the Management of Emerging Infectious Disease (IATF-MEID) nga irespeto ang Philippine Constitution, ug local autonomy sa lalawigan.
Segun sa manifesto, gipadayag sa grupo nga dili sila makatugot nga ang ilang mga constituent nga mga OFWs ug ROFs maglisod sa pagpauli sa ilang dapit tungod lang sa dili maong policy sa national IATF.
Ubos sa lagda sa IATF, ang mga OFWs ug ROFs ipaubos una sa napu ka adlaw nga kuwarantina sa hotel ug sa ikapito ka adlaw i-swab test.
Gawas sa mga kongresista, mipirma usab sa manifesto ang mayor sa Cebu City, Mandaue, ug Lapu-Lapu nga unang mipadayag og pagsuporta sa baroganan ni Garcia. (Jhon Tadlip/JTY)
(News & photo courtesy of Cebu Provincial Capitol)