Iriga City—mayo pa nin local transmission kan kinatatakutan na hilang na Covid19 sa rehiyon kan Bicol.
Iyo ini an pahayag na pinaluwas kan Department of Health Center for Health Development (DOH-CHD) huli sa paglobo kan numero kan mga kaso sa rehiyon na ngunian mina-abot nan in 401 positibong kaso.
Sigun sa DOH mayo pa nin deklarasyon kaini an Epidemiology Bureau, alagad inako na igua nan in magkapirang kasong nanotaran sa mga Barangay, alagad dai pa masasabing igua nan in local transmission O community transmission kan nasabing hilang.
Masasabi sana soboot na igua nan in local O community transmission kun igua nin magkapirang magkadugtong na kaso sa mga barangay O kaya inaapod na linkable transmission chains sa saro sanang lugar.
Sinabi pa kan Departamento na igua naman nin guidance kaini an mga LGUs kun pano masusugpo an paglobo nin kaso sa saindang nasasakupan, kaibahan na an lock down sa sarong sona O barangay.
Katakod kaini, nangapudan man giraray an DOH-CHD na sunudon sana an minimum health protocols tanganing padagos na makaibitar sa nasabing hilang. (OIC Melvin Barayoga, RPN DZKI Iriga)
(Source: DOH Bicol)