28.9 C
Manila
Friday, March 29, 2024

Vice Mayor Atty. Ton Acharon Nagpasalamat Sa Pagbisita Ni Senator Manny Pacquiao Atol Sa Regular Session

- Advertisement -

Dakong pasalamat ni Gensan City Vice-Mayor Atty. Loreto “Ton “ Acharon ang pagbisita ni Senator ug 8 division world boxing Champion Manny Pacquiao karong adlawa atol sa gipahigayong 51st regular session sa Sangguniang Panlungsod. “ among gi –welcome ug gipasalamatan si Senator Manny Pacquiao sa iyang pagbisita ug pagtambong sa regular session sa SP karong adlawa ug paghatud ug balita ilabina sa daghang mga proyekto nga maka benepisyo ang katawhan sa Gensan “, ang pahayag ni Acharon sa dihang nahinabe sa local media .

Pahuman na ug recess time sa dihang niabot ang Senador sa hawanan sa konseho ug gilayon kining gi –accommodate pinaagi sa pagpaila ni City Councilor Rosalita Nunez . Walay paglangan kining mihatag sa iyang mensahe ang Senador nga garbo sa Gensan ug Sarangani pinaagi sa paghatag ug higayon ni VM Ton Acharon nga nagkanayong umaabot nga Presidente sa Pilipinas si Pacquiao.

Gipasigarbo ni Pacman ang daghang mga proyekto nga natigayon sa iyang liderato susama sa pagtukod sa bag-ong building sa NBI SARGEN kon National Bureau of Investigation ug daghang pang mga proyektong imprastraktura sa Gensan ug Sarangani Province .

Samtang gihatagan ug emphasis niini ang kabahin sa korapsyon “  galit talaga ako sa korapsyon sa gobyerno “, ang pahayag ni Pacman . Gitumbok niini ang binilyon kantidad nga kasamtangan gi-imbestigahan sa Senado ilabina ang pundo sa Philhealth nga mao usab ang ilang giistoryahan sa dihang Dungan kining naniudto sa mga konsehal  .

Subling nanawagan si Senator Pacquiao ngadto sa mga kaubanan sa gobyerno nga kanunayng ipahinungod ang pangalagad sa katawhan ngadto sa Ginoo ug dili magbinuang ilabina sa pagasto sa kwarta gikan sa panudlanan kon kaban sa pangkagamhanan.

Midungan sa pagpaniudto sa mga konsehal sa syudad sa Pacman ug nga staff niini ug si Vice-Mayor Atty. Ton Acharon . Misulod ug mibisita pa kini sa opisina ni VM Acharon kauban  si Liga  ng mga  Barangay President Lorelie Pacquaio ug OFW Family Partylist Representative Roberto “Bobby” Pacquaio .

Samtang gipasalamatan kini ni VM Ton Acharon ug naglaom sa suporta sa Senador sa mga legislative measures nga gihimo usab sa konseho ning syudad sa Gensan para sa kaayohan sa katawhan sa syudad sa Gensan. (Roniel Degorio, RPN DXDX Gensan)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -