Cagayan de Oro City – Gipahimangnoan sa otoridad sa syudad sa Cagayan de Oro ang mga van operators ug drivers nga wala musunod sa health and safety protocols batok COVID-19. Sa monitoring sa joint inspection team sa business compliance sub-cluster nasuta nga adunay de pasayruang vans nga wa magbaton sa footbath ug thermal guns sa mga terminals nga nahimutang sa malls sa barangay Lapasan ug Corrales Extension.
Nasayran usab nga wala musunod ang pagpatuman sa pagpasulat sa contact tracing form ngadto sa mga pasahero niini ug bisan sa social distancing.
Tungod niini hugot silang gipahinumduman nga tumanon ang maong mga lagda alang sa kaluwasan sa tanang pasaheros.
Gani pa man, dugtong sa nagkataas nga local transmission sa Covid-19 sa syudad sa Cagayan de Oro, si Atty Jose Edgardo Uy, namuno sa nahisgutang Joint Inspection Team subling nagpahinumdum sa tanan, mga establisimento, dili lamang pampublikong sakyanan kon dili apil na sa mga terminals, merkado ug uban pang pampublikong dapit sa pagsunod gayod sa minimum health protocols nga gipatuman aron malikayan ang pagkuyanap sa Covid-19.
(City Information Office)