Sulod sa kapin 500 ka adlaw o kapin usa na ka tuig nga pakigbatok niining makamatay nga sakit sa CoVid-19, ang Provincial Inter-Agency Task Force sa Misamis Oriental walay puas sa paghatag og pahimangno ngadto sa katawhan kalabot sa kaayohan nga hatod sa pagpabakuna.
Giawhag ni Provincial IATF Chief Dr. Jerie P. Calingasan ang tanan nga dili angay kahadlokan ang pagpabukana. Lakip sa iyang gibatbat ug giklaro ang mga benepisyo nga makuha human mabakunahan.
“With vaccination, you can start doing more. Do not be afraid, for it will do us good. Let us help stop the pandemic. This is the answer to end the pandemic,” sulti ni Dr. Calingasan.
Matud niini nga gawas sa makaayo ang bakuna alang sa tanan, dako kaayo ang ikatabang niini kung ugaling humana mabakunahan kaduha ang usa ka indibidwal kon gitawag nga fully immunized na kini.
Sama nalang sa mamahimo na siyang maka-apil sa mga small group activities, makabiyahe, gamay lang ang risgo nga mataptan sa maong virus ug dako ang porsyento nga dili makatapot sa uban.
Gikadugang sab ni Dr, Calingasan nga kung humana mabakunahan, 94% nga dili ma-admit sa balay tambalanan.
Gisugdan na karong panahona ang mga anaa sa A4 sumala sa prioritization framework gikan sa National IATF nga gilangkoban sa mga frontline personnel nga anaa sa essential sectors sulod ning panahon sa enhanced community quarantine.
Sa kasamtangan gataas pa gihapon ang kaso sa nag-positibo sa CoVid-19.
Subay niini ang panglimbasog sa IATF ubos sab sa administrasyon ni Gobernador Bambi nga padayong gaawhag sa tanang Misamisnon nga dili pakyason ang pagpabakuna kung muabot na sa matag tugkaran.
(Source: Misamis Oriental Provincial Information Office Facebook page)