Usa ka tawo nga nagpatuong police officer aron makakilkili sa salapi gikan sa mga market vendors diha sa fish landing area sa Bulua ning dakbayan sa Cagayan de Oro ang naaresto sa kapolisan pinaagi sa ilang hot pursuit operation niadtong Biyernes, Enero 3 sa Baungon, Bukidnon.
Ang otoridad mipaila sa suspetsado nga si Glenn Calang, 35 anyos ug residente sa Barangay Bayabas ning dakbayan nga matud pa nila nailahan nang police impersonator sa syudad ug kasikbit nga mga lungsod.
Ang hulagway sa suspetsado nagviral na kini online tapos nasapon kini sa camera human giingong nangilkil kini sa salapi ug nagbahad sa mga mamaligyaay gamit ang armas sa fish landing area ug vegetable section sa Westbound Terminal sa Barangay Bulua ning syudad. Gani ang maong post nakakuha sa us aka libo nga reactions ug nashare kini sa kaupat ka libo ka higayon.
Si Calang hingpit nga naaresto human sa joint operation sa Regional Intilligence Division, ang nagkadaiyang units sa Cagayan de Oro City Police Office (COCPO) ug ang kapolisan sa Baungon town sa Bikidnon.
Matud pa ni COCPO spokesperson Major Ivan Viña nga ang suspetsado aduna nay previous nga mga kaso sa illegal drugs possession, robbery extortion ug uban pa. Siya gikatakdang pasakaan sa extortion and usurpation of authority tungod sap ag-impersonate sa us aka police officer.