Usa ka pamilya, hilo sa gikaong ‘double buddy’

Luwas na sa makuyaw nga kahimtang ang usa ka pamilya human naka kaon ug tinapay nga dunay sagol nga maka hilo. Anaa karon sa Balay Tambalanan ang tibuok miyembro sa pamilya ni Carlos Kayawi sa Tupi, South Cotabato human mabiktima sa Food Poisoning, gumikan sa ilang gikaong tinapay. Sumala pa sa mga biktima kalit lamang nakasinati sa pagsakit sa tiyan ug pagsuka-suka ang tibuok pamilya, human mikaon sa tinapay nga “double buddy”. Nasayran nga napalit sa usa ka bakeshop sa ilahang lugar sa Tupi, sa ilang amahan nga si Carlos Kayawi kay bout niining pahilapayan ang mga anak isip iyang pasalubong. Samtang padayon pang gitun –an sa mga awtoridad ang hinungdan sa pagka food poison sa mga biktima. Andam usab ang tag-iya sa maong bakeshop nga abagahon ang tanang gastos sa pagpatambal sa mga biktima. Sa kasamtangan anaa pa ang mga biktima sa balay tambalanan nagpa-alin sa ilang balatian.