Davao del Sur – Arestado ang usa ka lalaki human gikasa sa mga sakop sa Drug Enforcement Unit sa Bansalan Municipal Police Station sa pagpangina ni PMaj. Darryl Francis Ramos ang drug buy bust operation sa Purok 6, Sitio New Argao, Brgy. Buenavista, Bansalan, Davao del Sur.
Giila ang dinakpan nga si alyas “JONATHAN”, 27 anyos, laborer, minyo ug residente sa Purok Banahaw, Brgy Mabuhay, Bansalan, Davao del Sur.
Nakuha sa posisyon sa dinakpan ang 3 ka mga plete sa gituohang shabu, 1 ka pakete sa sigarilyo nga adunay sulod P250 pesos ug usa ka piraso sa P1,000 pesos bill.
Sa karon, himas rehas ang dinakpan ug mag-atubang sa kasong paglapas sa RA 9165 kun Comprehensive Dangerous Drug Act of 2002. (Camille Santos Naraga)