Davao Occidental – Nanawagan karon ug tabang ang kadagkoang opisyal sa munisipalidad sa Jose Abad Santos human nga nakasinati ang mga residente ug diarrhea outbreak sa Brgy. Butuan, JAS, Davao Occidental.
Subay sa post ni Vice Mayor James John Joyce nga dunay 34 ka mga pasyente karon ang anaa sa ospital ang gipangtambalan, ug dunay tulo na ang nakabsan sa kinabuhi( ang duha wala na madala sa ospital, samtang ang usa sa ospital nakabsan tungod sa kaluya niini).
Nanawagan ang opisyal ug mga dextrose kay nagkulang na karon ang ilang ospital.
Samtang giklaro sa opisyal nga walay kamatuoran ang nanggawas karon sa social media nga dunay baho nga hangin o dunay misteryoso nga balatian ang nasinatian sa mga residente nga hinungdan sa suka kalibang.
(VM James John Joyce | Michael Manguhig, RPN DXKT Davao OIC)