Sa session jadtong Lunes nan Hunta Probinsial, tagduso ngadto sa mga responsable na komitiba an may upat ka mga importante na hisgutanan para matratar sa plenaryo:
Para sa Committee on Health, tuyo ka mga hisgutanan, una, an hangyo ngadto sa DOH na himuon nan isa ka CoViD-19 Hospital an Caraga Regional Hospital; ikaduha, hangyo sa Caraga Regional Hospital na makig MOA sa pipila ka mga pribadong Hospital dinhi sa ciudad Surigao para sa pagdawat nan mga dili kun CoViD-19 na mga pasyente na pundohan nan mga LGU sanan iban na pondo sa mga programa nan CRH; an ikatuyo, an paborable na rekomendasyon ngadto sa DOH sa pag apruba sa aplikasyon nan Surigao Doctor’s Hospital isip Level 1 Health Facility;
Samtang may isa isab na tagduso sa Committee on Housing and Land Utilization na sugyot resolusyon para sa pondo pag implementar sa pipila ka component na waya mahilakip o waya ma cover sa National Housing Authority Assistance Program o sa mga contribution nan mga LGUs. (Jhino Parrucho, Ronda 5, RPN DXKS)