Madadagdagan na ang tulong pinansyal na matatanggap ng mahihirap sa ilalim ng Pantawid Pamilyang Pilipino Program o 4ps Act.
Ito’y matapos maisabatas at lagdaan ang Implementing Rules and Regulations nito.
Sa ilalim ng bagong batas, makatatanggap na ang isang sambahayan ng buwanang health grant na 750 pesos mula sa dating 500 pesos.
Ang education grant naman ng anak na nasa senior high school ay magiging 700 pesos na kada buwan mula sa dating 500 pesos.
Magiging 300 pesos na rin ang dating 200 pesos kada buwan na unconditional cash grant sa ilalim ng Tax Reform for Acceleration and Inclusion Act.
Mayroon na ring 600 pesos kada buwan na rice subsidy bilang cash grant.
Batay sa IRR, magkakaroon ng tatlong buwang transition period bago tuluyang maipatupad ang batas sa April 2020.