Cebu City – Mohunong una ang dakbayan sa Sugbo sa pagpamakuna batok sa covid 19 karong adlawa sa tulo sa upat ka sites tungod kay nahutdan nag suplay sa bakuna ang siyudad.
Ang mga vaccination centers nga temporaryong serhan mao ang Robinsons Galleria, University of Cebu o UC Banilad, ug SM Seaside City Cebu.
Apan ang vaccination site sa UC – J. Alcantara Street’s campus magpabiling bukas sa mga indibiduwal nga gitakdang modawat sa ilang second dose sa Pfizer-BioNTech vaccine.
Giingong ipahibawo lang unya kanus-a mobalik ang pagpamakuna sa dakbayan.
Base sa uwahing report sa VVOC o Visayas Vaccination Operations Center, mikabat og 645,828 ka tawo pa sa Cebu City ang eligible nga modawat sa libreng bakuna batok sa covid 19 gikan sa nasodnong kagamhanan.
Ang VVOC ang gitahasan pagtan-aw sa tanang vaccine rollout initiatives sa Cebu.
Ang samang data nagpakita nga hangtod sa Hunyo 10, miabotong 28,661 ka indibiduwal nga narehistro sa online vaccination registration portal ang nadapatan sa first dose sa bakuna ug samaong gidaghanon, 4,697 ang nakakompleto sa ilang inoculation schedules. (Jhon Tadlip/JTY)
(News & photo courtesy of Cebu City Public Information Office)