33.8 C
Manila
Friday, March 29, 2024

Tulo Ka Dinakpan Sa Mabolo Police Station Mipuga; Usa Napatay Sa Kapolisan

- Advertisement -

Cebu City – Patay ang usa sa tulo ka ka pinireso nga nanglayas sa selda sa presinto sa Mabolo, dakbayan sa Sugbo gahapon sa kaadlawon dihang napusilan sa kapolisan.

Ang CCPO o  Cebu City Police Office mikompirmar nga tulo ka binilanggo sa Mabolo Police Station ang namuga pinaagi sa pagputol sa rehas nga puthaw sa selda.

Nailhan ang mga nanglayas nga sila si Roberto Ludong, Oliver Basak, ug Nico Baylosis.

Apan sa paglusad sa hot pursuit operation giingong misuway pagsukol og pinusilay sa mga polis si Ludong sa Brgy. Luz pipila ka oras gikan sa pagpuga.

Suma pa sa director sa CCPO, Col. Josefino Ligan, misuway paglighot si Ludong pinaagi sa pagpabuto sa dang armas hinungdang gibaslan sa mga polis ug napatay.

Matod ni Ligan, ang suspetsado nga nag-atubang og kasong robbery ug paghupot og ginadiling droga ang unang nagpabuto.

Midugang si Ligan nga ang laing team sa Mabolo Police Station milampos pagsikop og balik kang Basak sa Brgy. Luz.

Subay niini, giawhag sa CCPO ang publiko nga motabang kanila pagpangita sa nahimutangan ni Baylosis nga gawasnon pa sa paghikay ning balita. (Jhon Tadlip/JTY)

 

(Source & Photo: Cebu City Police Office)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -