Cebu City- Gipaubos sa imbestigasyon sa Department of Trade & Industry un DTI ang tulo ka botika sa downtown area sa dakbayan sa Sugbo nga nagpasobra sa presyo sa N95 ug surgical face masks.
Una niini, ang mga sakop sa City Market Authority, DTI, Department of Health, ug Cebu City Police Office (CCPO) miluad og kinalit nga inspeksyon sa napu ka pharmacies lakip sa lima ka tindahan sa sidewalk vendors gahapon.
Ang pangu sa City Market Authority, Jonil Matuguina,miingon nga ang tulo ka establisimento mibaligya sa mascara sa presyo nga labaw og 30 porsyento kaysa gisitar sa DTI.
Segun sa retail price sa DTI, tag-P8 lang ang surgical mask ug tag-P50 ngadto to tag-P110 ang N95.
Wala hinuon ibutyag ni Matuguina ang ngan sa mga botika samtang gihimo pa ang imbestigasyon.
Giisyohan ang mga pharmacy og ‘notice to explain’ sa DTI, ang unang lakang sa imbestigasyon.
Posibleng mag-atubang og kaso ang naasoyng mga botika tungod sa overpricing ug kalapasan sa Consumer’s Act.
Una niini, miisyo ang DTI og price freeze sa face mask nunot sa panic buying sa publiko dihang gipahibawo ang unang kaso sa nCoV acute respiratory disease sa nasod.