Sa pagbisita ni Toyota Motor Philippines President Masando Hashimoto kang Mayor Sammy Co diha sa mismo sa iyahang buhatan, gilantaw sa Toyota Philippines ang posibilidad sa pag-tukod sa usa ka Toyota Pagadian Dealership and Service Center dinhi sa syudad sa Pagadian.
Usa sa mga hinungdan nga gi-konsidera sa Toyota Philippines ang Pagadian City mao ang economic stability ug paspas nga pag-asenso sa Pagadian ug tungod kini ubos sa liderato ni Mayor Sammy Co.
Kahinumduman na ang usa sa mga franchise holder sa Toyota Motors aduna na’y napalit na dakong yuta dinha sa Brgy. Tawagan Sur ug posible diha mahimutang puhon ang isa sa pinaka dakong dealership & service center sa Toyota Philippines dinhi sa Region 9.
Sa gibutyag ni Mayor Sammy Co, this was a welcoming development para sa mga Pagadianons diin ang maong lakang sa expansion plans sa Toyota Philippines dinhi sa Pagadian maghatag kini’g dugang trabaho sa mga Pagadianons ug mas modaghan pa ang mobisita dinhi sa syudad.
Ang Toyota ang usa sa pinaka-dakong car maker dili lamang dinhi sa Pilipinas kundi sa tibuok kalibutan.
Mapasalamaton si Mayor Co kang Toyota Motor Philippines President Hashimoto sa panahon ug oras nga gigahin niya sa iyang pagbisita dinhi sa Pagadian City.
Uban ni President Hashimoto mao si Toyoto Motor Philippines 1st Vice President Value Chain Operations Mr. Michael Masamayor, Vice President Network Sales & System Cluster Vehicle Sales Operations Ms. Elijah Marcial, Vice President Sales Planning & Administration Department Customer Service Operations Mr. Marvin Gardiner, ug ni Area Operations 3 Supervisor Sales Distribution Department Mr. Renz Diaz.
Pagadian City is much more excited to welcome the rising of the next Toyota Center in the country, the 𝐓𝐎𝐘𝐎𝐓𝐀 𝐏𝐀𝐆𝐀𝐃𝐈𝐀𝐍 𝐂𝐈𝐓𝐘!
(Source: Asenso Pagadian Facebook page)