Davao City – Nakigkita kay Presidente Rodrigo Duterte kagahapong adlawa ang Top Diplomat sa Nasud Japan nganhi sa Dakbayan sa Davao. Sumala pa sa kasaligang tinubdan gikan sa Malakanyang nga gikalipay ug dako ni Presidente Duterte ang pagbisita kaniya ni Japanese Foreign Minister Taro Kano.
Sumala pa nga nagpakita lamang kini sa lig-ong pagtambayayong sa Nasud Japan ug Pilipinas lakip na ang Bilateral Friendship sa duha ka mga nasud. Nasayran pa nga gipadayag ni Kono nga welcome sa Japan ang ratipiklasyon sa Bangsamoro Organic Law nga magmugna ug bag-ong rehiyon sa Mindanao.
Sa pikas bahin, mipadangat sa iyang pahasubo ang Japanese Envoy sa pamilya sa mga nahimong biktima sa duha ka mga pagpamomba sa Jolo Cathedral nga gikamatay sa 22 ka mga tawo ug gikasamad sa laing usa ka gatos.
Nasayran nga tulo ka adlaw nga nagtiner sa syudad si Kono nga gitambungan usab ang inagurasyon sa Japanese Consulate General sa syudad.