Radio Philippines Network
DXKS Surigao News Provincial News

THPAL Naghimo Nan Isolation Facilities, Nag Donate Nan Rapid Test Kits Sa Claver

Ang Taganito HPAL Nickel Corporation (THPAL) naghatag ug 500 ka US brand ug FDA approved Rapid Test Kits unya lakip usab niini ang 60 ka Dengue Duo Kits ug 5 ka Infrared Thermometer niadtong Hunyo 3, 2020.

Ang Rapid Test Kits usab gisiguro nga epektibo kining makahatag ug sakto nga detalye sa kahimtang sa tawo nga gamitan niini. Ang maong Rapid Test Kits uban sa laing Medical Supplies gidawat ni Claver Mayor Georgia Gokiangkee uban ang iyang Kapikas, former mayor Eddie Gokiangkee ug Dr. Landley Chua, Municipal Health Officer.

Dugang pa niini, naghimo usab and THPAL ug duha (2) ka isolation facilities nga nahimutang sa Barangay Urbiztondo ug Barangay Taganito, Claver nga kasamtangang gigamit na kini.

Ang 2 ka isolation facilities nahimutang kini sa mga bag-ong tukod nga mga Social Development and Management Program (SDMP) Infrastructures diin mamahimong mo okopar kini ug 48-50 ka tawo panahon sa ilang 14 day Quarantine. Ang maong isolation facility, gipaningkamutan nga mahimong comfortable nga pahulayan pinaagi sa pagbutang ug mga gamit sama sa telebisyon, refrigerator, water storage, ug gamit dula o kon indoor games sama sa board games.

Kini agi ug pagsuporta sa THPAL ngadto sa mga programa sa Municipyo sa Claver mahitungod sa COVID-19 samtang nagpadayon ang hulga niini karong panahuna ilabina nga ania na kita sa Modified General Community Quarantine (MGCQ) diin ang mga katawhan libre na nga mogawas sa ilang mga panimalay.

Kini nagpamatuod nga ang THPAL kaabag sa gobyerno ilabi na sa Munisipyo sa Claver ug katawhan sa pagsumpo niining COVID 19 pandemic. (ACEstampa | RPN DXKS Surigao)

Related posts

Singapore President Halimah Yacod Visit in Davao City Today

RPN News

OCD Turns Over Shelter Repair Kits To NegOr

RPN

Opening Of Baguio Tourism, Gradual, Regulated, Dynamic

RPN