Ididiaya manen ti Technical Education Skills and Development Authority wenno TESDA dagiti naruay a trainings para kadagiti kailian.
Daytoy ket babaen metten ti panakikammayet ti gobierno probinsial babaen ken ni Gob. Matthew Marcos Manotoc iti biang ti TESDA.
Maibilang ditoy iti Bread and Pastry Production NC2, Automotive Servicing NC1, Driving NC2, Animal Production (Swine) NC2, Masonry NC1, English Language course, Computer System Servicing NC2, Electronics Products Assembly and Servicing NC2 ken Shielded Metal Arc Welding NC2.
Dagiti interesado ket agrehistro ken agaply laeng iti workin.ilocosnorte.gov.ph.
Apaman a maala kayo ket adda ti maawat yo a tawag manipud iti PESO Office a pangalaan to nga umuna iti enrollment form ken fill upan iti learners profile malaksid dagiti pa ala da a kasapulan a dokumento wenno papeles.
Gagem iti napintas a panagkammayet ti TESDA ken ti gobierno probinsial iti liderato ni Gob. Marcos Manotoc ket tapno manayonan iti skills a mabalin pagsapul dagiti kailian apaman a makalpas da.
Libre daytoy a maipaay kadagiti interesado malaksid a manmnama nga addan to pay iti ited a tulong ti gobierno probinsial babaen ken ni Gob. Marcos. (Ronald Domingo, RPN DZRL Batac Correspondent)
(Ronald Domingo, RPN DZRL Batac Correspondent)