Dakpan sa gihimong buy-bust operation sa mga personahe sa General Luna Municipal Police Station ang tattoo artist didto sa Brgy. 3, Poblacion, General Luna, Surigao del Norte niadtong Martes, Hunyo 30 sa may mga alas 5:40 sa kahapunon ubos sa PDEA Pre Ops No. 30003-062020-0068.
Naila ang nadakpan nga mao si KIM BRYAN SUMAGAYSAY DORADO, 28 anyos, ulitawo, lumulupyo sa dalan Divina Gracia, Panay Island, Ilo-ilo City ug kasamtangang nagpuyo sa Brgy. 3, Poblacion, General Luna.
Nakompiskar gikan sa possession ug control sa suspetsado ang gibana-bana nga uno gramo (1 gram) nga usa (1) ka gamay nga heat sealed transparent plastic sachet sa suspected dried marijuana leaves nga aduna’y estimated Standard Drugs Price (SDP) value nga kinintos ka pesos (P500.00); ug usa (1) ka five hundred (500) peso bill marked money nga aduna’y Serial No. A299149.
Presente sa gihimong body search mao sila ni Councilor Roniliza Magaluna ug DOJ Representative Jay C. Uy.
Si Dorado top 10 High Value Individual (HVI) priority target Drug Pusher/User sa lungsod sa General Luna. (Jun Prex Salubre, Ronda 6 RPN DXKS)