Arapaap ni Atty Saul Lazo Chairman ti committee on Education ti Sang. Panlalawigan nga adda ti maiyestablisar a “21st Century Classroom” iti nadumaduma a lugar ditoy probinsia.
Inbunannagna a dagiti maibunbunong a tablet kadagiti agad-adal ket plano a mausar saan laeng nga iti daytoy a panawen ti pandemia ngem apaman nga addan dagiti maipasdek a “21ST Century Classroom”.
Imbatadna a dagiti maibunbunong a tablet ti naudi a nakausaran ti special education fund wenno SEF ti probinsia.
Inlawlawagna nga iti panagtataripnongda kada Gob. Matthew Marcos Manotoc Ken Provincial School Division Supt. Dr joan Corpuz adda dagiti napagnunumoanda a pagannurutan no asino dagiti agad-adal a maipaayan ti tablet.
Segun ken ni Lazo karaman ditoy ti kaadayo ti pagtaengan ti ubing iti eskuela a pagad-adalanna, kasano kapigsa ti “Signal” ti internet ken ti kasasaad ti panag biag ti estudiante.
Mainaig iti daytoy, kunana a naipangpangruna dagiti nakurkurang ti gasatna nga agad-adal a naipaayan ti tablet.
Author: IRENE RINGOR, RPN – DZRL Correspondent
Source: PGIN