Naaresto sa Theft and Roberry Unit sa City PNP ang 39 anyos nga layaki kini human idja tagkuha an mga lotions sa suyod nan Metro Surigao Shopping Center, Borromeo St., Brgy. Washington, Surigao City sa alas 9:29 ang takna buntag kagahapon nga adlaw.
Nakilay-an ang suspetsado nga si ALEXANDER MENDOZA GALANO, 39 anyos, may live-in partner, residente sa Dolong, Brgy.Washington, Surigao City.
Sa imbestigasyon ni PSMS CESAR JOHANS COL CASTILLO ngadto sa complainant nga si Ruth David Dela Cruz, Metro Surigao Shopping Center representative, nasayran nga nag kuha ang suspetsado nan lima (5) ka Myra Vitamin Lotion sa kantidad ₱782.50 ka pesos sa grocery store. Namatikdan sa isa ka sales boy nga waya magbayad ang suspetsado dajun deretso ni gawas sa establisimento.
Ila ini taggukod pero pag-abot sa city hall compound nadakpan ra sa tabang sa mga kapulisan nga nakadestino sa lugar. Sa pagka kuman ang suspetsado ang jaon sa kustodiya sa Surigao City Police Station.