34.7 C
Manila
Thursday, March 28, 2024

Suspension Kan PMVIC Tulos Na Ipinautob Kan LTO

- Advertisement -

Iriga City – LTO Iriga Martes pa kan Ibalik an Inspection sa mga lights vehicles digde sa Iriga.

Iyo ini an nagin pahayag ni Mr. Jess Navarez an hefe kan LTo Iriga kasunod kan nagin direktiba kan DOTR, na suspendiron an PMVIC duman sa banwaan kan Pili asin Pamplona huli naman sa protesta kan mga motorista asin pribadong emission testing centers asin magkapirang opisyal na nagpadara nin surat ki Sec. Art Tugade.

Sigun sa opisyal, matapos na maresibe ninda an abiso tulos sindang nagsunod sa direktiba maski mayo pa kan black and white na memorandum hali sa Central Office.

Alagad lininaw kan opisyal na kun an LTO sana an masusunod, importanting maray an PMVIC orog na sa road worthiness kan sarong vehikulo, mientras na kompletong maray an inspection na ginigibo.

Sa lado ngunian kan LTO balik sinda sa visual inspection matapos an nasabing kansilasyon kan department of transportation.

Mientras tanto, halat pa kan LTO Iriga an magkakanigong implementing rules and regulations sap ag-issue nin 10 taon na validity nin drivers license sa bulan na oct kan taon na presente.

Iyo ini an sinabi ni mr. jess navarez an hefe kan LTO Iriga sa pakikipag-olay kan Radyo Ronda., alagad kinompirmar kaini na maski dai pa kan IRR ini na an mangyayari susog naman sa direktiba kan cenral office, alagad bakong gabos na aplikante O ma-renew an matataw’anan nin 10 taon na validity nin lisensya., orog na su may mga violations sa ley sa trapiko.

An pinag-iisip sana kan opisyal iyo na dapat magkaigua nin safeguard an nasabing lisensya orog na duman sa mga may edad na baka, mabuta O ma-disable asin dai pueding magmaneho. (Melvin F. Barayoga, RPN DZKI Iriga OIC)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -