Suspek Sa Pagpamusil Sa Magsaysay Davao Del Sur Nasikop

Suspek Sa Pagpamusil Sa Magsaysay Davao Del Sur Nasikop

by RPN
110 views

Davao del Sur:        Gilayong giimbistigahan sa kapolisan ang nahitabong pagpamusil nga nahitabo pasado alas 3 sa hapon sa may Purok 1-A Barangay Dalumay sa lungsod sa Magsaysay Davao del Sur.

Ang Biktima giila nga si Jean Mark Dolor Bastida, 37 anyos ang paunigon nga usa ka Waray nga lumupyo sa lugar samtang giila ang suspek nga si Pedro Quimson Obedencio, 31 anyos ang panuigon, minyo nga miembro sa CAA ilawom sa 39th Infantry Battalion Philippine army nga nakabase sa Barangay Tagaytay, Magsaysay Davao del Sur.

Nasayran nga nag-inom ang duha nga misangko sa wala pagkasinabtanay hangtud nga nagsumbagay. Tungod sa hitabo, mirespondi gilayon sila ni  Art June Condez Redoblado, 32 anyos nga usa ka mag-uuma ingon man si Cliford jay Panday nga usa ka Barangay Kagawad sa Barangay Dalumay.

Wala damha nga misangko sa pagpamusil ang pagrespondi sa duha ka mga nagpakabanang lumupyo nga nakahiagom sa tuong bahin sa bukton ni Redoblado kinsa gidali pagdala sa Municipal health Center sa Magsaysay.

Hinuon nasikop sa Kapolisan ang suspitsadong si Obedencio ug nakuha sa iyang posisyon ang .38 nga revolver ug duha ka mga basiyo sa bala nga way serial number, lakip sa nakuha gikan sa suspitsado ang itom nga holster.

Sa kasamtangang giandam na ang mga kasong ipasang-at batuk sa suspitsado samtang ang biktima padayon nga nagpaalim sa iyang samad pinusilan sulod sa tambalanan.

Lakip sa kasong atubangon sa suspek kauban ang biktima ang pagsupak niini sa gipatumang community quarantine gumikan sa COVID- 19 kinsa nag-inom usab bisan pa man nga gibawal kini karong panahon sa pandemic. Tungod niini, gipahimangnuan ni Police Major Jeffmar Tercero ang katawhan nga mosunod sa kamanduan ilabi na karon nga nagpabilin ang hulga sa COVID- 19.

0 comment

Related Posts