Tulo ka lalaki ang biktima sa pag-pandunggab diin nahitabo kini kagahapong adlawa Abril 5, 2019 sa may 3:00 kapin ang takna sa kaadlawon didto sa Brgy. Rizal, Sta. Monica, Surigao Del Norte. Naila ang mga biktima nga sila Janndy Samano, 25 anyos, Ermelito Teratay, 18 anyos ug Arnel Salvaloza, 26 anyos nga tanan parehong mga residente sa Purok-6, Brgy. Mabuhay, Sta. Monica.
Basi sa imbestigasyon, ang tulo ka biktima pauli na sa ilang tagsa-tagsa ka panimalay gikan sa pag-tambong sa usa disko sakay sa ilang sidecar nga motorsiklo, apan gi-babagan kini sa suspek ug gisumbag ang driver nga si Arnel Salvoza, ug sa dihang nakit-an asa duha ang ilang kauban gisumbag, gi-atake nila ang suspek apan mibunot kini ug metal screw ug gidunggab ang duha ka mga biktima.
Nagpahigayon ug hot pursuit operation ang mga kapulisan sa Sta. Monica Municipal Police Station ug mi-resulta sa pagka-sikop sa suspetsado nga si Roland Savandal Nogaliza alyas “Bantoy”, 27 anyos, construction worker ug residente sa Purok-1, Brgy. Rizal, Sta. Monica, Surigao Del Norte ug anaa na karon detenado sa Sta. Monica Municipal Police Station.