Giawhag ni Vice Mayor Alfonso Casurra an mga Department Heads nga paspason an Proposed Budget sa nagkadaiyang Departamento sa City Government sa dili pa mahuman an tuig.
Tag sulti ni Vice Mayor Casurra atol sa Flag Raising Ceremony kagahapong adlawa atubangan sa mga empleyado sa City Hall nga ija gilauman nga an kada Departamento mag andam sa ilang ipresentar na budget para sa tuig 2025.
Dugang pa ni Vice Mayor Casurra nga sa dili pa an deadline sa Oktubre 16, 2024 kinahanglan ma.submit na kini aron maaprobahan sa dili pa an Christmas Break.
Ija sab tagpasalamatan an buhatan sa City Tourism sa pagpanguna ni City Tourism and Cultural Affairs Officer Roselyn Armida Merlin sa gipahigayon nga Suroy sa Surigao City, Surigao del Norte ug Province of Dinagat Islands. (Mark James Lisondra)