General Luna, Surigao del Norte – Nadakpan an unom ka indibidwal sa gilusad na anti-illegal gambling operation sa mga personahe sa General Luna MPS didto sa Purok 2, Barangay Santa Fe, General Luna, Surigao del Norte.
Unang nadakpan na mga suspek isa ka 44 anyos na babaje, menyo, housewife; isa ka 25 anyos na babaje, wayay trabaho; ug 34 anyos na layaki, construction worker, an tanan residente sa nahishutang lugar.
Nakompiskar sa posisyon sa mga suspek an isa ka set na baraha ug pusta sa kantidad P855.00 ka pesos
Ika duhang grupo na mga nadakpan na suspek nag edad ug 64 anyos, housewife; isa ka 54 anyos, housewife, ug 26 anyos na babaje.
Nakompiskar sa ilang posisyon an isa ka set na baraha ug pusta sa kantidad P865.00 ka pesos.
Kasong paglapas sa PD 1602 an atubangon sa mga nadakpang suspek ug jaon sa kustodiya sa General Luna MPS. (Ronda 21 Mark James Lisondra, photo courtesy of SDNPPO)