Surigao: Total na P3.3 Million na Sustainable Livelihood Project tag turn over na

Na turnover na sa Department of Social Welfare and Development ang Sustainable Livelihood Projects para sa onse (11) ka association gikan sa lain lain na barangay sakop nan Siyudad sa Surigao, kuman na adlaw, Marso 12, 2024.

Kaiban an Provincial Government, Congressional Office 2nd District, sanan City Social Welfare and Development Office, gipangunahan ni Mayor Pablo Yves L. Dumlao II an pagturnover sa nagkantidad na P3.3 million Sustainable Livelihood Projects.

11 ka mga association an nakadawat sa ila Pangkabuhayan Project na nagkantidad nan P300,000 kada isa.

Nanghinaot si Mayor Dumlao na mapalambo ini sa tagsa-tagsa ka mga association na nakadawat nan ini na mga proyekto, kay permi andam mutabang sanan suporta sa ila an Lokal na Panggamhanan nan Siyudad.

Didto sab nagpakita sa ija presensya si Gov. Robert Lyndon Barbers na tagrepresentahan ni Provincial Administrator Atty. Rise Faith Recabo, City Councilor Karl Duanne Casurra, Lieutenant Colonel Jasper Gacayan sa Philippine Army 30IB 4ID, Department of Social Welfare and Development Regional Director Mari Flor Dollaga na tagrepresentahan ni Provincial Partnership Officer Jonel Idea, Provincial Social Welfare and Development Officer Fe Saumat, sanan si City Social Welfare and Development Officer Lenie S. Liray.

Ini an mga association na nakadawat:

1. One Unit Multipurpose Vehicle – Brgy. Sukailang  Bayanihan Farmers Association
2. Mini Hardware – Brgy. Trinidad Farmers and Womens Association
3. Purchase of One Unit King Cab and Water Refilling Station – Brgy. Capalayan Isla Babak Fishermens Association
4. Rice and Agrivet Supply – Brgy. Danao SLP Association
5. Hog Fattening – United Farmers of Brgy. San Roque Organization
6. Cattle Production – Brgy. San Roque Farmers and Womens Association
7. Hog Raising – Sitio Songkoy Brgy. Poctoy Agri Business Association
8. Chicken Production – Brgy. Mabua Agri Business Farmers Association
9. Rice Trading and Agrivet Supply – Brgy. San Isidro Madasigon SLP Association
10. Farm and Agrivet Supply – Brgy. Mapawa Women’s Association
11. Frozen and Agricultural Products Trading – Brgy. Quezon Farmers and Agro-Business Association.

(Source: Surigao City PIO Facebook Page)