San Francisco, Surigao del Norte – Mikabat sa P28,188.00 ka pesos na kantidad an nasakmit na mga ginabas na mga kahoy sa mga personahe sa San Francisco MPS sa Kopo, Barangay Macopa, San Francisco, Surigao del Norte.
An suspek isa ka layaki, hingkud an pangidaron, chainsaw operator, residente sa Barangay Magtangale, San Francisco, Surigao del Norte nga diin nakasibat sa dihang namatikdan an presensiya sa mga tinugyanan sa kapulisan ug gibijaan an mga gikarga na mga kahoy.
Nakompiskar sa mga kapulisan an 28 kabuok ginabas na mga kahoy na jaon sa 626.4 ka board feet sa kantidad P28,188.00 ka pesos.
An mga nakumpiska nga ginabas na kahoy an jaon sa kustodiya sa San Francisco Municipal Police Station alang sa tukmang disposasyon. (Ronda 21 Mark James Lisondra, photo courtesy of SDNPPO)