Malampusong gitakpan sa culmination program noong Oktubre 26 ang kasaulogan sa National Indigenous Peoples Month sa Provincial Convention Center, Capitol, dakbayan sa Surigao.
Ang programa gitambungan sa halos tulo ka gatos ka partisipante nga gilangkuban sa Mamanwa Cultural Communities, Sama-badjao Cultural Community, ug sa National Commission on Indigenous Peoples, United Nation- Habitat, Provincial Government, ug Department of Education Representatives.
Sa takdang panahon usab ang pagsaulog sa ika-26 nga Anibersaryo sa Indigenous Peoples Reform Act (IPRA) nga nagpasiugda sa batakang katungod sa mga lumad. Importante nga masayran kini tungod kay ang IP’s adunay daghang kontribusyon sa pagkalain-lain sa kultura sa Filipino Society.
Kabahin sa programa ang mubo nga cultural ug talent show sa mga Mamanwa ug Sama-Badjao. Ang On-The-Spot Painting contest sa mga estudyante sa Mamanwas High School miresulta sa;
First Place – Ronalyn H. Catubigan, Grade 12 ng Claver National High Scool, Coach: Daniela Galagala
Second Place – Analyn B. Pradas, Grade 10 ng Gigaquit National School for Home Industries, Coach: Danilo L. Galve
Third Place- Cynthia Y. Delamente, Grade 10 ng Cagdianao, Claver National High School, Coach: Paul James C. Pingal.
Si Gov. Robert Lyndon S. Barbers nagpahayag sa iyang pasalamat sa UN-Habitat ug NCIP, ug sa Departamento sa Edukasyon sa ilang kooperasyon ug suporta. Iyang gipahibalo nga ang Panggamhanan sa Probinsiya mokonsiderar sa pinansyal nga suporta sa mga proyektong panginabuhian sa atong mga kultural nga komunidad, dugang pa sa kasamtangan nga scholarship educational assistance program ngadto sa mga lumad.
(Source: Provincial Media Affairs Office – Surigao del Norte Facebook page)