Gipahigayon an paglunsad sa Responsive Linkages for Sectoral Beneficiaries (RLSB) Program sa Siargao Islands Convention Center, Dapa, Surigao del Norte. An maong programa nagtuyo sa paghatag nan ayuda para sa mga adlaw-adlaw na mga panginahanglanon nan mga benibisyaryo.
An programa nag-una paghata nan suporta sa mga Persons with Disability (PWDs) sanan mga solo parent na pobre. Kun jaon pay mabilin sa mga slots ihatag kini sa mga pinaka nagkinahanglan sa ato mga kaigsuonang kabos. An mga benepisyaryo kinahanglan na wala pa makadawat nan bisan uno benepisyo gikan sa mga programa sanan serbisyo sa mga national line agencies, labi na sa Provincial Government nan Surigao del Norte, para maabot an mga pobre na waya pa nahimo na benepisyaryo sa mga programa kun diin sila kwalipikado.
An programa jaoy kinatibuk-ang 2,500 na mga benepisyaryo sa Surigao del Norte. An breakdown sa mga benepisyaryo sa una na payout amo an mosunod: Burgos – 55, Dapa – 56, Del Carmen – 56, General Luna – 56, Pilar – 56, San Benito – 55, San Isidro – 55, Santa Monica – 55, na jaoy total na 444.
Niitambong sa maong kalihokan sila Gov. Lyndon Barbers, Atty. Lucille Limpot Sering, Atty. Molly V. Sering, Hon. Catherine Gopico, sanan Atty. John Cubillan.
An pagpatuman sa maong programa gipondohan Probinsiya nan Surigao del Norte pinaagi sa PSWDO. An katujoan sa programa amo an pag-abot sa mga vulnerable na mga indibidwal na waya pa makadawat nan bisan uno na benepisyo gikan sa gobyerno gikan sa national ngadto sa local na lebel. (Mark James Lisondra)