Malampusong nadakpan sa hiniusang pwersa sa PDEA sanan PNP an tuyo ka mga layaki na suspetsado sa paggamit nan druga.
Sumala pa ni Dindo Abellanosa, tigpamaba sa PDEA Region XIII na an operasyon tagpahigayon kabii alas 6:25 sa Hunyo 4, 2022 sa may Purok 4, Brgy. Bonifacio, Surigao City.
Tagpakilaya ni PDEA SDN Provincial Officer Randy Pulmano ngadto sa RPN DXKS an mga nadakpan na sila si Roland Geli Sumael, 45 anyos minyo; Lyle Anthon Silos Escultos, 32 anyos ulitawo ug Emerson Nuñezca Gapit, 44 anyos, minyo.
An mga nakuhang ebidensiya mao kining isa ka heat-sealed transparent plastic sachet na tagdudahang shabu na gibanabanang motimbang sa tunga sa gramo ug mikantidad sa P4,000.00 nga maoy napalit sa poseur buyer, tuyo ka heat-sealed transparent plastic sachets sa gidudahang shabu nga mitimbang sa 15 gramos o kantidad P120,000 nga diha sa ilang nahimutangan, isa ka tinuod na one-thousand-peso bill marked money ug tuyo ka one-thousand-peso boodle money, isa ka Infinix android phone, isa ka Samsung tablet, driver’s license, klase-klaseng drug paraphernalia sama sa foil, lighters , improvise needle ug uban pa.
Sila jaon kuman sa kustodiya sa PDEA ug mag-atubang sa mga kasong Violation of Section 5 (Sale), 6 (Maintenance of Drug Den), 7 (Visiting Drug Den),11 (Possession of Dangerous Drugs) and 12 (Possession of Drug Paraphernalia) sa Article II sa RA 9165.
Si Lyle Anthon Escultos an nag positive sa paggamit nan shabu basi sa chemistry report sa drug test sa urine specimen sa tuyo ka mga nadakpang mga suspetsado. Samtang an actual na timbang sa mga ebidensiyang shabu misukod sa 21.9464 gramos sumala sa PDEA Chemist. (RPN DXKS Surigao via DVD)