Damages an right side mirror, rear right fender, rear right side stop light, ug rear bumper an isa ka itom na Mitsubishi Montero Sport GLX SUV na plate no. AAH 2996 na gemaneho ni Ian Dale Galigao Asoy, 29 anyos na layaki, menyo, private employee, ug residente sa Brgy. Siana Mainit, Surigao del Norte human kini aksidenting gibangga sa isa ka itom na Kawasaki Bajaj CT100 na may sidecar na gemaneho ni Eric Mata Malabiga, 46 anyos na layaki, may live-in partner, residente sa Purok-7, Sitio Escalon, Barangay Cagniog, Surigao City.
Nahitabo an insidente sa may National Highway, Purok 6, Brgy. Trinidad, syudad nan Surigao sa alas 10:30 nan buntag.
Sa inisyal nga imbestigasyon nasayran na an Montero SUV nag jagan subay sa National Highway sa Barangay Trinidad, pasingod sa Mainit, Surigao del Norte, samtang an motorsiklo nag jagan subay sa dayan gikan sa PNP Smart Homes, pasingod sa National Highway apan pag-abot sa intersection an motorsiklo aksidenteng nabangga sa Montero.
Tungod sa pagkabangga an Montero nakaangkon ug damages ingon man mga garas sa tuo sa kilid na mga panel sa pirtahan samtang an motorsiklo an waya ray damages.
Himuon wayay naangol sa insidenteug nagkasabot ra isab an duha ka partido para sa gastohon sa damages sa sakyanan.
(Mark James Lisondra)