Caraga, pinaagi sa Field Operations Division – Extension and Partnership Section, iban sa City Government of Surigao nanghatag ug Intervention Monitoring Cards nga adunay EMV chip (IMC-EMV) ngadto sa 400 ka benepisyaryo sa Rice Farmer Financial Assistance (RFFA) Program sa Surigao City.
Gipangunahan sa City Agriculture Office, pinangulohan ni Acting City Agriculturist Amelita N. Dela Cerna, ang distribution nga nahitabo kagahapong adlawa, Enero 31, 2024, sa City Cultural Center. Ang Intervention Monitoring Card (IMC-EMV) nagsilbi nga duha ka katuyoan isip identipikasyon ug cash card.
Gipakita niini ang mga importanteng detalye sama sa ngalan sa benepisyaryo, picture, QR code, RSBSA (Registry System for Basic Sectors in Agriculture) nga numero, ug usa ka e-wallet function.
Kining e-wallet nga kapabilidad makapahimo sa mga mag-uuma nga maka-access sa mga interbensyon sa gobyerno ug iban pang pinansyal nga benepisyo ubos sa Rice Tariffication Law.
Ang multipurpose card mahimong gamiton sa ATM transactions, pagbayad sa POS-enabled establishments, cash handling sa U Store locations, fund transfers pinaagi sa QRPh, balance checking pinaagi sa mobile app, ug bisan sa pag-avail sa mga discounts sa nagkalain-laing tindahan.
Kini nga inisyatiba isa ka pasalig sa pagpauswag sa pinansyal nga kalambigitan sa mga mag-uuma, ug ma-access nga kahinguhaan.
(Ronda 21 Mark James Lisondra, photo courtesy by Surigao City PIO)