Gipahigayon an 8th Regular Monthly Meeting nan Liga ng mga Barangay – Surigao City Chapter na gipangunahan ni Liga ng mga Barangay President Florenillo Ravelo didto sa City Cultural Center.
Isa sa ila nahisgutan an mahitungod sa umaabot na Inter-agency Sportsfest agig selebrasyon sa ika-54 na Charter Day nan siyudad kuman buyan nan Agosto.
Didto sab an opisina nan City Health Office nag hisgot mahitungod sa Regional Oversight Committee on Barangay Drug Clearing.
Si DILG Director sanan City Local Government Operations Officer Robert E. Patayon didto sab nanguna sa panagtigom kung diin ija tagpanhatag an mga certificate sa mga Outstanding Barangay sa buyan nan Hunyo. Ini an mga barangay na nakasunod sa mga programa nan DILG.
An City Environment and Natural Resources Office (City ENRO) nipaabot sanan nihisgot sab mahitungod sa Solid Waste Management sa matag barangay.
(Mark James Lisondra)