Tagpahibayo nan lokal na pangangamhanan nan ciudad nan Surigao na pinaagi sa Livelihood Training and Productivity Center kun LTPC sa pag-pamuno kuman nan city administrator Atty. Jerry Centro isip center head nag-dawat sila kuman nan mga mamahimong scholars ubos sa universal access to quality tertiary education o an free education act, para sa mga program o kurso o qualification nan Technical Education Skills Development Authority kun TESDA.
Shielded metal arc welding NC II na may durasyon na 45 ka adlaw, heavy equipment operation on highway dump truck NC II – 21 ka adlaw, cookery NC II – 53 ka adlaw, electrical installation and maintenance NC II – 33 ka adlaw, dressmaking NC II – 46 ka adlaw sanan driving NC II – 20 ka adlaw.
Tagdugang pagpahibayo nan LTPC na abri an scholarships para sa mga highschool graduates sanan college undergraduates lamang sanan limitado ra ngadto sa 25 ka mga estudyante kada kurso kun diin may mga benepisyo pareho nan libre an registration, may daily o inadlaw na allowance hangtod sa durasyon nan training libre sad an mga instructional materials, uniforms sanan medical and dental checkups.
Rekisitos an high school diploma, form 137 o 138 transcript of records para sa college undergrad, birth certificate sa dayaga ug ulitawo, marriage certificate sa minyo dajon ID pictures.