Si Professional Regulation Commission (PRC) Chairman Alnar Detalla, kauban ang mga miyembro sa Institute of Electronics Engineers of the Philippines – Caraga Region, nakigtagbo kang Surigao City Mayor Pablo Yves L. Dumlao II kagahapong adlawa Marso 6, 2024.
An ilang dayalogo nakasentro sa umaabot na paningkamot na gitumong sa pagdasig sa mga gradwado sa Electronics Engineering sa pagsuhid sa mga oportunidad sa pagpanarbaho suyod sa Surigao City, imbes na mangita ug posisyon sa ibang dapit.
Kini na inisyatiba, sa pakigtambayayong sa Surigao City LGU, nagtinguha sa pagpabilin sa lokal na talento, pagsilsil sa garbo sa komunidad, ug pagpalig-on sa kooperasyon sa local government unit alang sa pagmugna og trabaho ug pag-uswag sa karera sulod sa industriya sa elektroniko.
Gipamatud-an ni Mayor Dumlao an dili matarug na suporta sa LGU sa Surigao City alang niini na inisyatiba, na nagpasiugda sa pag-align niini sa mga pangandoy sa siyudad na mugawas isip sentro sa technological innovation ug expertise sa rehiyon.
Ija gipasiugda an importansya sa synergy sa mga local government entities, educational establishments, ug industry players aron mapalambo an isa ka dinamikong ekosistema na makaayo sa talent development ug economic growth.
(Mark James Lisondra)