Kritikal an condition sa rider sa Honda XRM na motorsiklo hampan patay an backrider niini human aksidenting naka sungag an isa ka tricycle na may body no. SC-2362, nga gimaneho ni Marvin Mejorada Awatin, 46 anyos na layaki, menyo, tricycle driver, ug residente sa Purok 7, Barangay Jubgan, San Francisco, Surigao del Norte nga nahitabo kagabie sa may Sitio Tumanday, Brgy. Rizal, syudad nan Surigao sa alas 6:25 nan duyom.
An mga biktima an waya pa makilay-i apan basi sa description sa imbestigador an driver nag sukbot nan t-shirt, maong na short pants, nag edad ug 33 ngadto sa 35 anyos ug 5’2 ngadto sa 5’4 an height hampan an backrider naka sukbot nan grey na sleeveles maong na short pants, nag edad ug 60 ngadto sa 65 anyos, ug 5’2 ngadto na sa 5’4 an height.
Sa inisyal nga imbestigasyon ni PSSgt. Akex Fuentes nasayran nga an tricycle nagbiyahe sa Sitio Tumanday, Barangay Rizal pasingod sa Barangay Ipil, hampan an Honda XRM na motorsiklo nagbiyahe sa pikas na direksyon.
Pag-abot sa lugar kon diin nahitabo an insidente, an driver sa motorsiklo nisubay sa kurbadahon na dayan hangtod ni lapas sa pikas lane ug nibangga sa nagsingabot na tricycle.
Tungod sa ka kusog sa impact, an duha ka mga sakyanan nakaangkon ug dakong damages.
An driver sa tricycle nakaangkon ug minor injury apil an pasahero niini hampan an driver sa motorsiklo ug back rider niini nakaangkon ug samad nga dali gidaya sa Caraga Regional Hospital pinaagi sa mirespondeng mga personahe sa QART.
An back rider sa motorsiklo gideklarar nga dead on arrival sa attending physician.
Padajun pa isab imbestigasyon sa kapulisan aron pagkilaya sa mga biktima. (Mark James Lisondra)