Gibutyag ni Mr. Albert Lustiva nga sa pagka-karon gikinahanglan ang dugang suporta sa uban pang mga stall owners/occupiers mahitungod sa planong pag-tukod sa bag-ong merkado publiko pinaagi na sa Primark Incorporated nga maoy gitutukang sulbad sa problema sa kasamtangang merkado nga matud pa treinta na ka-tuig hinungdang gabok na gayud kini.
Sa bag-ohay pa lamang na gihimo nga pulso sa radyo ronda ngadto na sa mga vendors niini mahitungod na sa pag-uyon o dili sa pagatukorong bag-ong public market, mi-ani kini ug nagkalain-laing mga reaksyon tungod sa nagkalain-lain usab nga rason.
Giklaro sa nasangpit nga bisor nga dili tinuod nga gamay lang ang mi-uyon tungod kay sa ilang gihimo usab nga survey, daghan pod ang mi-uyon niini kabahin na sa pagtukod ug bag-ong merkado publiko.