Gibanabanang 30 ka bayay na gama sa light materials naugdaw sa sunog kaganihang alas 7:33 sa buntag, Enero 9, 2021.
Sumala pa ni SFO4 Abel Dubduban, OIC City Fire Marshall nga human makita ni FO1 Jean Maquiling nga may miulbong sunog sa Baybay Magallanes, diin kini 100 meters lamang ang distansiya sa Bureau of Fire Protection, daling miresponde ang kabomberohan. Apan sa kaapiki sa agihanan tungod sa sikit-sikit ang mga balay nga gama sa light materials, misulbong pagtuda an kalayo.
Sumala sa imbestigasyon, nagsugod an sunog sa pinuy-anan ni Salvacion Paraguya, 60 anyos diin didto sa kusina waya na mabantaji an niluto gamit an butane stove.
Tagdaya sa hospital an biktima tungod sa pasô sa iyang lawas. Nakontrolar sa BFP an sunog alas 8:15 hangtud hingpit kining napalong pagka alas 9 sa buntag.
Nawad-an karon sa pinuy-anan ang banabanang 40 ngadto sa 50 ka pamilya tungod sa pagkaugdaw sa ilang mga panimalay.
Initial nga gireport sa kabomberohan nga mikabat sa 75,000 pesos ang kadaut sa sunog.
Giesplikar sa BFP ang estimate nga sumala pa “ang jurisdiction sa pagkuha sa estimated damaged is limited to structural damaged only, jaun ta computation basi sa BFP SOP IID 2008-01 nakita nato na an affected buildings more classified as informal settlers’ building, so, sa SOP ang computation ana is only 350pesos per square meters damaged/affected by fire… Mao dapat makuha an total area na affected by fire and e times sa 350pesos ug kana na amount is only structure damaged not including the items/fixtures/materials inside the individual building. For further investigation pana ky magsubmit pa sila individual computation of damaged or loss ky of course sila man nahibayu unsa an mga items sulod sa ila bayay… Then adto na makuha an exact amount sa damaged sa final report since ma total naman an mga items na nasunog plus an structural damaged.”
Pito ka pamilya sa mga igsoong Muslim nga manindahay sa kilid sa Metro Surigao Shopping Center ang walay nahipos. Sumala pa ni Aga Manangkiran sa interview sa RPN DXKS, didto na sila sa ilang paninda ang pito ka pamilya dihang niulbo ang sunog. Kasamtangan niyang papuy-on ang mga biktima sa Muslim Mosque samtang mohangyo siya sa Mayor sa Syudad nan tabang.
May nakumpiskar usab ang kapulisan nga usa ka kartoon sa pabuto nga nabitbit sa usa ka residente pagawas sa lugar nga nasunogan sumala ni Washington Kagawad Debbie Lopez-Patiño.(Radyo Ronda Balita)
https://www.facebook.com/1427050990643243/posts/4166913336656981/