Radio Philippines Network
DXDX GenSan News Provincial News

Station Manager sa Bombo Radyo Gensan nga gidakop-midepensa

GENERAL SANTOS CITY—MIDEPENSA si Jonathan “Janjan” Macailing, Station Manager sa usa ka Radio Station dinhi sa Gensan human kining nasikop alas 3:40 ang takna sa hapon niadtong adlaw’ng Biyernes tungod sa wala pagtambong  sa hearing sa kasong Robbery With Violence and Intimidation nga gipasang-at sa NBI niadtong Sept., 18, 2018.

Sa off the record nga pakighinabi ni Ronda 13 Rustom Lariosa, gibutyag ni Macailing nga natingala kini kun nganong gisilbihan og warrant of arrest tungod sa wala pagtambong sa hearing sa kasong iyang giatubang tungod kay nakafile man sila og motion aron i-reset ang schedule sa hearing sa iyang kaso tungod dili available ang iyang abogado.

Natingala na lamang matud pa sya nga gidakop gilayon kini sa kapulisan bisan pa man nga na-received sa korte ang ilang motion.

Nasayran nga Enero 16 unta ang hearing sa iyang kaso, apan tungod wala kini nakatambong, gipagawasan kini og warrant of arrest niadtong Huwebes, Enero 17, 2018.

Sa pikas bahin, gisaysay usab niini nga ilang naalaan nga gun for hire ang duha ka Intel Operatives nga modakop unta kaniya gumikan nagsunod-sunod kini kanila.

Pag-abot sa Zapote-Sineguelas Street, didto na giambakan sa iyang mga body guards diin miyembro sa CSU-Gensan ang duha ka mga pulis sa pagtuong mga gun for hire, dayon ilang gisita mao nga nahitabo ang kumusyon.

Giangkon usab niini nga gidis-armahan sa duha niya ka mga body guards ang mga pulis. Human niini didto na nagpailang mga pulis diay ang duruha.

Nasayran nga wala pa naghatag og opisyal nga pamahayag si Janjan bahin sa pagkasikop kaniya human nga wala pa siya gihatagan ug Clearance sa management sa estasyonan sa radyo nga iyang gitrabahuan.

Related posts

Oarfish Nadagsa Sa Manapa, Buenavista, Agusan Del Norte

RPN

Livelihood sa 5 ka Asosasyon Gi-aprobahan ni Gov. Cagas sa Davao del Sur

RPN News

Pinoy Delegates Arrive In Israel To Learn Advanced Agriculture

RPN