30.9 C
Manila
Friday, March 29, 2024

Special Guidelines Alang Sa Pag-Obserbar Sa Semana Santa Gipagawas Ni Governor Uy

- Advertisement -

Gumikan kay wala pa mikunhod ang kaso sa COVID-19 ug sa kompirmado nga bag-ong COVID variant sa nasud, si Governor Roberto Uy mipagawas ug Special Guidelines pinasikad sa  Executive Order Number 21-24 Series of 2021 alang sa pag-obserbar sa Semana Santa sugod Marso 28-Abril 4 niining tuiga.

Gisaysay sa maong Orden Ehekutibo ni Governor Uy nga gilauman  ang mabagang duot sa katawhan atul sa pag-obserbar sa Semana Santa.

Niini, aron malikyan ang posibleng pagsulbong sa kaso sa COVID-19 sa probinsya, kinahanglan adunay dugang stringent measures sa pag-obserbar sa Semana Santa.

Ang tanang pagtapok-tapok ug kalihukan ang limitado kini ngadto sa 30% sa venue/seating capacity ug himuon kung adunay pagtuot gikan sa local government unit.

Ang mga resorts mo-obserbar usab sa labing daghan ngadto sa 30% sa venue/seating capacity alang na sa pagdawat sa guests atul sa Semana Santa.

Striktong obserbahan usab ang minimum health and safety protocols sama sa pagsuot sa face mask, face shield ug mag-obserbar sa social distancing ilabi na sa pagpahigayon sa relihiyosong kalihukan.

Ginadili usab ang pag-inum sa ilimnong makahubog sa pampublikong dapit ug sa dayag nga lugar.

Ang matag lungsod o syudad mamahimong mosagup sa additional measures kung kinahanglan diin dili inconsistent sa giluwatan nga Executive Order ni Governor Uy sa pag-obserbar sa Semana Santa.
(Provincial Information Center-mbmontederamos)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -